Hər dərdə dözüm var, mənə qəm neyləyəcəkmiş?
Acizmi görüb, yoxsa kərəm eyləyəcəkmiş?

Sən dərdimə bax, mən kimə möhtac olacamsa,
Dərdim azalıb dərdimi kəm eyləyəcəkmiş.

Mən çəkdiyimi hansı günah sahibi çəksə,
Məndən də betər zülmü-sitəm eyləyəcəkmiş.

Alsın canını, çün buna layiqdi vəfasız,
Hər kim ki dönük əhdinə, çəm eyləyəcəkmiş.

Mövlud dözə bilməz səni əğyar ilə görsə,
Bil, görsə əgər ömrü ələm eyləyəcəkmiş

22.11.2014 / Zərdabi
Mövlud Ağamməd