Hər gecəmiz sabahlara bir ümid,
Hər keçən gün şirin xəyal deyilmi?
Dünya boyda bir ürəkdə döyünən
Bəzən sevinc,bəzən məlal deyilmi?

Dönüb hərdən boylanıram dünənə,
O günlərdən həsrət qalıb,yenə nə?
Nə söyləyim məndən üzü dönənə,
Gözlərimdə donan sual deyilmi?

Nə biləydim,kədər,sevinc qoşadır,
Ömür yolu qısa--gözdən qaşadır.
Həyat sərtdir,çətinliklər yaşadır,
Dərd gətirən,Mövlud,bu hal deyilmi?

2.12.2014 / Zərdab
Mövlud Ağamməd