Gənc könül qonaqlı, dolu gəl-getlər,

Əlində közərir tünd siqaretlər

Yenicə can verən körpə ümidlər

Sustalan bir gəncin qucağındadır

Xatirəm şəkildə, donan gülüşdə

Sabahı gözlədim dumanlı düşdə

Başıma cilvələr saçan günəş də

Dünyanın qaranlıq bucağındadır

Ürəkdən qopan bir şeir o günlər,

Qulaq as, gör nələr deyir o günlər

Bir daha qayıdan deyil o günlər

Hamısı həsrətin ocağındadır