Həyat, burcə an dayan,
Düşənlər var gözümdən.
Düşsünlər, sürüşsünlər,
Mənlə yol getməsinlər
qoşa, çiyin - çiyinə,
Özlərinə bab ilə
getsinlər, görüşsünlər. 

Həyat, bircə an dayan,
Düşənlər var dilimdən.
Düşsünlər, əkilsinlər,
yolumdan çəkilsinlər.
Qorxuram xəta çıxar
istəmədən əlimdən. 

Həyat, bbircə an dayan,
çıxarım ürəyimdən
əziyyət verənləri,
Haqqı və ədaləti
çaş - əyri görənləri. 

Həyat, bircə an dayan,
düşənlər var gözümdən.
Çıxanlar var izindən.
İnsan tapmaq nağıldı,
Yoxsa ki, insanlığın
bünövrəsi dağıldı?
İnsan tapmaq çox müşkül,
kim tapsa min - min əhsən,
bircəciyin yüzündən