Həyat bizə oyun qurdu oynadıq

Dayan dedi, bəsdir dedi, doymadıq

Qazanda acıq verdik, uduzanda cırnadıq

Həyat keçdi belə oyun oyuncaq

Həyat yoldur, yarı dağdı, yarı çöl

İstər yaşa, istər sürün, istər öl

Uşaq vaxtı çox gülərdin, indi gül

Həyat keçdi belə oyun oyuncaq

Aşiq olduq, bir gözələ vurulduq...

`cız` dedilər, dinləmədik, qovulduq

Allah olduq, insan kimi soyulduq

Həyat keçdi belə oyun oyuncaq

Bir ömür var, nə sənindi nə mənim

Qayıq sənin, yelkən mənim yelkənim

Ey Allahım, sən mənimsən, mən sənin

Həyat keçdi belə oyun ouncaq