Gəlib dursan hüzurumda, nə ağzımda dil dönər,

Nə də heç nə itirmərəm bir an göz yaşım axsa,

Sənlə vidalaşa bilsəm, zaman keçər, il dönər,

Bəlkə bir gün Allaha da üz tutaram nə vaxtsa

Güzgüdəki əksinə də səni qısqanıram mən

Sənsə bir gün Allahına qısqanacaqsan məni

Cızdığım bu üçbucağın çıxarıb çevrəsindən

Dolaşdığım döngüdən də qurtaracaqsan məni

Biz üçümüz elə gözəl həmdəm ola bilərdik,

Yer kürəsi cənnətimiz, biz Həvva ilə Adəm

Həmin buğda ağacından meyvəni də yeməzdik,

Qarşı gəlib oynanılan oyuna əzəlindən

Nə yaşatdı anlamadım heç fələyin axarı

Nə qış kimi qış olmadın, nə də fərəhli yaydın

Ya həyatın əvvəlisən, ya həyatın axırı

Kaş deyirəm, sən həyatın elə özü olaydın...