Dərdimin üstünə dərd gəlir sənsiz,

Gözlərimdə yaşlar heç qurumayır.

Həsrət ürəyimə od qoyur sənsiz,

Bu ömür şəlaləm heç durulmayır.

Yalançı sevdaya mən necə yandım,

Yetim bir ümidlə mən necə qandım,

Həsrətlə tək səni mən necə andım,

Əzabı ürəyim heç unutmayır.

Son görüş anında səssiz baxışın,

Qəlbimin içində son hayqırışın,

Qəlbimə dikdiyin hər bir naxışın

Ruhum bu dünyamdan heç qoparmayır.

Sadiqin qələmi qan ağlar bu gün,

Islanıb göylərdən eşq ağlar bu gün,

Dünya üsyan edər,can ağlar bu gün,

Həyatım əlimi heç buraxmayır.