İNSAN VAR DÜNYADAN YAŞ ALIB GEDİR

İnanmaq,güvənmək birazda çətin, 
Namərd elə gəzir, guya ki mətin. 
Filankəs danışır yalan adətin , 
Həyatda saxtalıq baş alıb gedir. 

Həccə getməyi də eyləyib adət, 
Namazı yox bunun eyləsən diqqət. 
Riyakar,fırıldaq edir ziyarət, 
Şeytandı, şeytana daş atıb gedir. 

Mənlik bazarı yox,alasan mənlik, 
Görkəm dəbə minib,yoxdu hünərlik. 
İnsan var insandı,sözündə mərdlik, 
İnsan var dünyadan yaş alıb gedir.

Seymuru qınayır çoxları hələ,
Çoxu vara , pula olubdur kölə,
Yaşa savablarla  sən  gülə-gülə,
Gedən günahına  qoşulub gedir.

MÜƏLLİF:SEYMUR SÖNMƏZ (PAŞAYEV)
27.04.2017