İnternetin qaranlıq üzü - Deep Web
Vüsal Məmmədzadə tərəfindən "Elmi məqalə" bolməsinə 14:40 30 iyul 2014 tarixində əlavə olunmuşdur

Deep Web (Dərin veb) və ya Undernet – Google axtarış sistemi vasitəsilə əlaqə qurmağın mümkün olmadığı bir növ gizli saytlar şəbəkəsidir.

İnternet 5 təbəqədən ibarətdir. Buna 0-cı təbəqə də aiddir:

0 – Hamının bildiyi, üzdə olan internet;

1 – e-mail xidmətləri, müxtəlif şəbəkələr;

2 – FTP server istifadəsi;

3 - Deep Web;

4 - Deep Web`in davamı (Buradan istifadə edə bilmək üçün xüsusi proqramlara ehtiyac vardır);

5 – Marianas Web adlandırılan (Marian çökəkliyinin adı ilə adlandırılıb) və haqqında çox az insanın məlumatı olan ən dərin veb.

Axtarış sistemləri Deep Web`dəki məlumatıları internet istifadəçisinə təqdim etmir. Çünki bu məlumatların əksəriyyətini idarə etmək, yönləndirmək mümkün deyil. Axtarış sistemləri bu məlumatları təqdim etməməklə, bir növ, qanundan kənar fəaliyyətdən sığortalanmış olur.

Buna baxmayaraq, bu cür saytlar fəaliyyətdədir və həmin saytlara daxil olmağın müəyyən yolları var.

Deep Web saytları dinamik html kodlardan istifdə edirlər və qarışıq URL ünvanlara sahibdirlər. Həmin URL ünvanlar tez-tez yenilənməkdədir. Bu saytlar .onion domeni ilə fəaliyyət göstərirlər. 


Qısa məlumatdan sonra keçək Deep Web`də fəaliyyət göstərən saytlara

Deep Web saytları silah və uyuşdurucu ticarətindən tutmuş FPI-ın gizli səndlərinə kimi qanunsuz bütün fəaliyyətləri özündə birləşdirib. Bu saytlar cinayətkarların daimi məkanı hesab olunur: hakerlər, killerlər, narkobaronlar, silah alverçiləri və s. bu qaranlıq dünyanın daimi sakinləridirlər.

Deep Web bu qədər qanunsuz fəaliyyətlərlə yanaşı, həm də bir növ  baza rolunu oynayır. Belə ki, siz müxtəlif kitablar, foto və videofayllar və s. informasiyaları buradan tapa bilərsiniz. Hətta qadağan olunmuş kitablar və qadağan olunmuş filmlər də burada qadağan deyil.

Müxtəlif cinayət videoları, işgəncələri özündə əks etdirən fotolar və digər bu kimi faylları da Deep Web`dən əldə etmək mümkündür.

Deep Web oğurluq kredit kartları, iPhone, maşın satışı kimi xidmətləri də təklif edir. Məsələn, 650 manatlıq bir iPhone`u siz Deep Web`dən qat-qat ucuz qiymətə tapa bilərsiniz. Ancaq bu, ya oğurluq olacaq, ya da kustar üsulla hazırlanmış və görünüşü iPhone`u xatırladan bir cihaz.

Deep Web`ə necə girmək olar?

Bunun üçün əvvəlcə “Tor” Brazuzerinə ehtiyac vardır. Belə ki, normal brazuerlərlə Deep Web saytlarına girmək mümkün deyildir (Siz, həmçinin, “Onion” brazuerlə də həmin saytlara giriş edə bilərsiniz).

Deep Web`də nələr edə bilərəm?

Əvvəla bir xəbərdarlığa diqqətinizi yönəltmək istəyərdim: Deep Web haqqında məlumatınız olsun, ancaq, mümkün qədər girməməyə çalışın. Səbəb isə çox sadədir: Deep Web istifadə edərkən IP ünvanınız cinayətkarlar tərəfindən ələ keçirilə bilər. Əslində, “Tor” Brauzeri IP ünvanını gizlədir. Ancaq bəzi hallarda bu, istisnadır. IP ünvanınız hər hansısa bir cinayətkarın əlinə keçsə, o, hansısa bir cinayəti üzərinizə ata bilər və bu, ağır nəticələrə səbəb olar.

İşdir, qərarınız qətidirsə və siz Deep Web`ə daxil olmaq istəyirsinizsə, onda növbəti xəbərdarlığımıza qulaq asmağınız tövsiyyə olunur: hack, hacker, killer və s. bu kimi tagları olan saytlara girməyin. Kitablara, foto və video fayllara baxıb çıxın. Qətiyyən nəsə sifariş verməyin!

Deep Web`ə giriş

Siz ilk olaraq Hidden Wiki (Gizli Viki) saytına girməlisiniz. Bu sayt 7jguhsfwruviatqe.onion ünvanındadır. Bu sayt aktiv bir saytdır və daimi olaraq Deep Web istifadəçiləri tərəfindən yenilənir. Siz bu ünvandan Deep Web saytlarına keçidlər edə bilərsiniz.

Həmin keçidlərdə istəmədiyiniz materiallarla qarşılaşa biləcəyinizi unutmayın. Buraya müxtəlif işgəncə videoları, ürküdücü fotolar və s. aiddir. Yaddan çıxarmayın ki, bu materiallar gerçək insanlar tərəfindən yüklənilir. Yəni, Deep Web`də “səyahət” edərkən diqqətli olmağı unutmayın! Hər hansısa bir fotoya və ya kitaba baxmaq problem yaratmaz. Ancaq heç kimlə əlaqə qurmayın, söhbət etməyin. Yeri gəlmişkən, Deep Web özünün sosial şəbəkəsinə də sahibdir ki, burada cinayətkarlarla ünsiyyət qurmaq mümkündür (Təbii, bayaq qeyd etdiyimiz kimi, bu, məsləhət deyil).


... dəfə oxunub
Qiymət: 8/10(6 səs)
[qiymət ver ]
Şərh yaz
6+24=
Hesaba giriş
Müəllif

Vüsal Məmmədzadə
Haqqında
Bakalavr: Bakı Slavyan Universiteti - jurnalistika // Magistr: Bakı Dövlət Universiteti - radio-tv jurnalistikası // Doktorantura: Bakı Dövlət Universiteti - radio-tv jurnalistikası // Vaxtınız olsa, YouTube kanalıma da baş çəkin. Arabir maraqlı hesab etdiyim mövzulardan danışıram :)
Əlaqə
Tel.:
(+99451) 247 4104
E-mail:
rossovusal@gmail.com
Sosial şəbəkə:
Facebook
Twitter
Ordenlər
Cəlil Məmmədquluzadə Ordeni
YouTube-da izlə
Facebook
0.0249 saniye