Qarabağ ağlayır, deyir göz açın.
Şuşa fəryad edir, gözləyir Laçın.
Nə zaman ədalət çalacaq zəfər.
Zəngilan, Fizuli, Ağdam, Kəlbəcər,
Nə qədər qalacaq aralı bizdən?
İntiqam gözləyir Xocalı bizdən.
***
Düşmənin öldürmək məqsədi Türkdü,
Gördüyün o uşaq cəsədi Türkdü.
Kəsilib atılmış əli bizdəndi,
Doğranan yüzlərlə ölü bizdəndi.
Dərisi soyulmuş yaralı bizdən
İntiqam gözləyir Xocalı bizdən.
***
Ömür səhifəmdən illər pozmuşam,
Böyüyüb haqqında şeir yazmışam.
Mənimlə bir yaşda olan faciə.
Bu qədər dözmüsük görəsən niyə?
Şəhidlər soruşur sualı bizdən.
İntiqam gözləyir Xocalı bizdən.
İntiqam gözləyir Xocalı bizdən.
***
müəllif: Nüsrət Həsən.