Məktəbin dəhlizini silə-silə öz həyatını düşünürdü.

Yaşıdları oxuyurlar, o isə xadimə işləyir.

“İşimin adı nədir? Təmizləmək!”

İki körpəsi var.

Məcburi köçkün yataqxanasında anası ilə birgə yaşayır.

21 yaş böyük əri onu 2 uşaqla atıb Rusiyadakı tökülüb qalan işlərini davam etdirmək üçün gedib.

Söz vermişdi ki, 16 yaşı olanda nigah bağlayaraq Rusiyaya aparacaq.

Artıq 3 aydır ki, 16 yaşı tamam olub.

Nə bir zəng var, nə də xəbər-ətər.

Dərdini kimə desin?

Qayınanasından soruşmağa qorxur.

Körpələrini düşünür.