Içim tufan,üzdə həzin mehəm mən
Kür də mənə rəqib olmaq istəyir.
Könlüm buzdu, sözüm buzdu, nədənsə?
Qış da məndən soyuq almaq istəyir.

Zərrə sevincim də məndən qəm çəkir,
Könlümün havası qəmdən nəm çəkir.
Mən taleyə, ruhum mənə çəmkirir
Mənə baxan gül də solmaq istəyir.

Bumu həyat, bumu sevgi, məhəbbət?!
Alışıb həsrətdən yanır səadət.
Nifrət, kədər məndə görür rəqabət
Əzrayıl ruhuma dalmaq istəyir.

Şeirlərim qəmdən çıxa bilmədi,
Qələmin gözyaşın vərəq silmədi.
Şair şöhrət oldu, üzü gülmədi,
Cansız, torpaq altda qalmaq istəyir.