Istəyirəm baxam sənə.

Asta-asta süzəm səni,

Gözlərində itsin ruhum,

Ürəyində bitsin ruhum.

Bir həsrətin qucağından,

Bir hicranın ocağından

Ümid olub uçsun ruhum,

Təkcə sənə çatsın,

Təkcə səni sevsin ruhum.

 

Istəyirəm baxam sənə.

Usta-usta tikəm səni,

Bu ömrümün yollarına.

Bu qəlbimin divarına.

Ala bula saçlarına ,

Sevgi dolu baxışına

Heyran olub sevim səni

Ümid dolu bu sevginə

Aşiq olub sevim səni.

 

Istəyirəm baxan sənə.

Incə-incə yazam səni,

Hər kəlmədə eşqim yansın,

Qələm yansın,qəlbim yansın.

Ümid saçım vərəqlərdən

Ömrümüzün səmasından,

Eşqimizin yollarına,

Ömrümüzün baharına.

 

Istəyirəm baxam sənə.

Yavaş-yavaş biçəm səni

Həsrətimin ətəyindən,

Bu sevdamın ipəyindən,

Varlığıma kökləyib

Həyatıma tikəm səni.

Ümidimin ürəyindən baxam sənə,

Nəfəsimin gözlərindən sevəm səni,

Istəyirəm baxam sənə.

Istəyirəm baxam sənə.