Atdığın addımı izləyirəm mən ,
Səni ürəyimdə bəsləyirəm mən,
Hər gecə yolunu gözləyirəm mən,
Kaş səni yuxumda görə biləydim !

Ömrümün mənası, həyatın nuru,
Sən aydan arısan, sudan da duru,
Qoy olsun səninlə sevgi uğuru !
Kaş səni yuxumda görə biləydim !

Nə olsun yanımda oldun hər zaman ? 
Mənə heç bəs etməz bu vaxt, bu məkan.
Sevgidə sərhəd yox gəl buna inan
Kaş səni yuxumda görə biləydim !