Şüurumuz, ağlımız nə verir bizə,

Fikirdən, qüssədən, dərddən savayı.

Kimləri görürük ömrümüz boyu,

Cəmlərdən savayı, fərddən savayı.

Quş olub uçaydım kaş hər tərəfə,

Qarşımda nə sərhəd, nə sədd olaydı.

Uçaydım bir lələk salmadan belə,

Nə qədər, nə yazı, nə hədd olaydı.

Keçəydim çayları, dənizləri mən,

Aşaydım tikanlı sinirləri də.

Tanrıya ən yaxın insanlar üçün

Yazaydım ən gözəl şeirləri də.