Keçən gecə bir şeir idin
Bu gecə musiqi olmusan,
Səsin də gəlmir , qışqırsanda,
Bəlkə heç kim bilmədən lal olmusan.

Keçən gecə qorxum idi səni itirmək,
Bu gecə sənsizlik intihardır,
Qollarım özümü qucaqlayır, payızın soyuqunda.
Bəlkə qollarını payızla dəyişmisən.

Keçən gecə namaz qıldım, üç rükət.
Bu gecə ikimizədə namaz qılacam.
Ağır olmasın əzablarımız.
Bəlkə qəbirimdə nur sən olmusan.

Keçən gecə qara saçlarında yorulub, bir siqaret çəkdim.
Bu gecə ciyərlərim oksigenə nifrət etməyə başladı.
Havasız insan yaşamır deyirlər,
Bəlkə yaşamadığım şəhərdə hava olmusan.