Dəniz kənarı, sahil, sakitlik. Diqqətimi bayaqdan seyr etdiyim dənizin biri-birini qovan ləpləri hey sehirləyir… Gözlərimi çəkə bilmirəm bu məzərədən, ürəyimi oxşayan bir heyranedici bu tablodan. Çox bənzərlik gördüm biri-birini qovan qaçan ləpələrlə, həyatımın illərinin necə aylarımı -günlərimi qovduğu kimi. Baxdım ötən keçən illərimin, aylarımın xəyal qovluğuna, xatirələrimə, düşüncələrimə nələri isə axtardım, nələri isə tapdim nələri isə də sildim. Dərdləşdım içimdəki arzularımla, həsrətimlə, olanlarla , olub keçmişlərlə, xəyallarımla . 
Ötən illərə nəzər saldım. Bir anlıq gülməsədim keçən həyatımın uşaqlıq illərinə , bir az da kədərləndim , heyf uzaqda qaldı deyə o günlər !
Uca dağların başını , zirvəsini ruzigarlar ovub bir kiçicik də olsa qaya parçasını qopan alan kimi mənim də ömürdən yaşanan illərdən neçə ilimi həyat ömrümdən aldı, ömrümdən oğurladı. Demək ki, ömrün rəngarəng fəsillərini yaşamaq taleyimə yazı oldu. Bu yazını oxumaq necə də xoşdur, amma çox ağrılı. Axı, bu yazı ilə birlikdə bu ömür yolunu bərabər keçmişik. Enişi- yoxuşu , çək-çeviri ilə, özüdə dostcasına!... Küsməmişəm bu yazının , bu dünyamın bol dərdindən, ahu-zar etməmişəm, sabah şəfəqlərinin rənginə boyamışam hər zaman könlümü …Ümidimə bağlanmışam, fərəh də bol demişəm. Xoş gəldin demişəm Tanrıdan ömrümə əmanət gələn pənahım olduğum illərimə…
Dəniz kənarı , sahil , sakitlik …Keçən ömrün əllindən tuturam , düşünürəm, bir yaşda belə ömrümün tablosuna çəkildı. Bir yaş da…

MÜƏLLİF : İRADƏ ƏLİLİ