Üzündə gördüyüm o kədər nədir

Belə görməmişdim heç zaman səni

Əvvəllər ağlıma gəlməzdi mənim

Kədərli görərəm bircə an səni

Üzünə yaraşan şux təbəssümün

İndi yox olmuşdur görəsən nədən

Yoxsa mənim kimi kədərlənirsən

Sən də nakam olan məhəbbətindən

Gözlərin parlamır əvvəlki kimi

Sanki bənizin də solğunlaşıbdı

Elə bil o nazlı gözəl deyil bu

Elə bil o tamam başqalaşıbdı

Üzündə gördüyüm o təbəssümün

Mənə dərdlərimi unutdururdu

İndisə həmin o qəmli baxışlar

Mənim ürəyimə min yara vurdu

Dərdlərim çox idi, biri də artdı

Suallar içində çaşıb qalmışam

Sənin kədərinin nədir səbəbi?

Bu sualda mən dolaşıb qalmışam

Yaxşı anlayıram indi mən səni

Çünki mən özüm də dərd içindəyəm

Qəlbimin çəkdiyi bu ağrıları

Yavaş-yavaş yazır qələm