Bu dünyanın işi çətin,
Bilinməyir aqibətin,
Alın yazınsa qismətin
Kim olduğunun fərqi yoxdur

Vaxt yox xəyala dalmağa,
Daim həyatda qalmağa,
Gəlsə mələk can almağa
Kim olduğunun fərqi yoxdur

Hələ gətirirsə baxtın,
Düşünmə ki, çoxdu vaxtın,
Artıq yellənirsə taxtın
Kim olduğunun fərqi yoxdur

Dünya durmur, zaman axır,
Nə olsun krallar tac taxır,
Allah ki, göylərdən baxır
Kim olduğunun fərqi yoxdur.

02.02.2017

Müəllif: Tural Rəhmanlı