Bakı küsdürüb səni
Daha doğrusu Bakıda yaşayan sevgilin
Bakı bezdirib səni
Daha doğrusu Bakıda yaşayan sevgilin.
Təbəssümündə yalan var canım mənim
Dodaqlarındakı hərarət qədər
Əllərində soyuqluq var canım mənim
Gözlərindəki əsarət qədər.
Küsmə bu şəhərdən, bu şəhərin küçələrindən
Nə günahı var axı əgər tərk etmişələrsə səni
Ayırma özünü şəhərimin kədərli gecələrindən
Qoyma, ağla saxlama boğazında qəhərini.
Mənə baxma, mən həyatdan küsmüş insan
Mən sevgidən çox yanmışam, sənsə yanma.