mart küləkləri əsir xəfif-xəfif,

pıçıldayır fikirləri qulağıma,

düşünürəm səni yayılırsan otağıma.

hər küncdə ,hər bucaqda sən varsan,

səni yığışdıra bilmirəm,

o qədər böyüksən ki,

səni kiçik qəlbimə sığışdıra bilmirəm.

aşıb daşırsan gözümdən,yaşa çevrilirsən,

səni görəndə donuram mən,

susuram mən,

qanımda axan bir daşa çevrilirsən.

mart küləkləri əsir xəfif-xəfif

sən yaşadığın küçədən gəlib qonur pəncərəmə,

 bir quş kimi.

sənin qoxunu gətirir,

 oyanıram hər səhər ətrindən məst olan bihuş kimi.

mart küləkləri əsir xəfif-xəfif

aramızda görünməyən bir sədd çəkib,

həmin o küləklər isti hisslərimə,

sərin bir dərd çəkib.

mart küləkləri əsir xəfif-xəfif