Məhəbbətim,məhəbbətim...

Arzularım yetim qaldı, 
Dünya yaman qeylü-qaldı
Acı sözün mənə baldı,
Məhəbbətim,məhəbbətim.
***
Ümman kimi çağlayan sən,
Yadlara bel bağlayan sən.
Ağlayırsan,ağladan sən,
Məhəbbətim,məhəbbətim.
***
Məni saldın sən kəməndə,
Ürək necə dözsün dərdə?
Qara bəxtim gülər bir də,
Məhəbbətim,məhəbbətim.
***
Şair Mövlud,fikir çəkmə,
Gül bağında qanqal əkmə.
Belini də belə bükmə,
Məhəbbətim,məhəbbbətim.

20.02.1985.Zərdabi.(Mövlud Ağamməd)