MƏHƏBBƏTİN DƏRDDİ MƏNƏ 

Bir yuxunun yozğunluğu 
Kəm sevdanın pozğunluğu, 
Riyakarın quzğunluğu 
Qəbahətdi, sərtdi mənə. 

Günəşim ol, qəlbimə saç, 
Baxışların dərdə əlac. 
Olmuşam eşqinə möhtac, 
Məhəbbətin dərddi mənə. 

Bəsdir qoydun intizarda, 
Saf sevgini vermə bada. 
Həmdəmim ol bu dünyada, 
Varlığın da bəsdi mənə. 

Baxma mənə kənar kimi, 
Yaz arada yazar kimi. 
Sənsiz neynim gülzar kimi,
Şəhərlər də kənddi mənə.

Seymur itirmiş yolunu,
Kədər tutub sağ-solunu,
Tutmaq özgənin əlini,
Artıq qəbahətdi mənə.

MÜƏLLİF:SEYMUR SÖNMƏZ PAŞAYEV