Tərk etdim beləcə bax bu minvalla,

Sənli duyğularla sənli xəyalla,

Nə səslə,nə çağır nədə soraqla,

Artıq ürəyimi sıxıb gedirəm,

Mən çox uzaqlara çıxıb gedirəm.

 

Qalmağa qalmayıb burada dözüm,

Tükənib taqətim,tükənib sözüm,

Kor olub gözlərim görməyir gözüm,

Sənli ümüdləri yıxıb gedirəm,

Mən çox uzaqlara çıxıb gedirəm.

 

Zamana güvəndim boş oldu güman,

Qismətim olubdu,qırov çən duman,

Qalmağıma heç bir səbəb olmayan,

Nifrət baxışlarla baxıb gedirəm

Mən çox uzaqlara çıxıb gedirəm.

 

Köksüm bir çeşməydi qurudu təmiz,

Bu şəhər nə qədər,sıxılıq qəliz,

Canımı götürüb səssiz səmirsiz,

Bağrımın başını yaxıb gedirəm,

Mən çox uzaqlara çıxıb gedirəm.

 

Əlvida bu şəhər,daha əlvida,

Edirəm əbədilk sənə son vida,

Yadigar tək qalan şəklini sonda,

Bağrımın başına sıxıb,gedirəm.

Mən çox uzaqlara çıxıb gedirəm .

***

MÜƏLLİF:SEYMUR SÖNMƏZ PAŞAYEV

Yazılma  tarixi:12.10.2018