Mən Təbrizəm

Səsi kəsilmiş şəhərəm

Susuram fars əsiriyəm

Mən türklərin boynuna salınmış

edam kəndiriyəm.

Mən təkəm,

mən cənub torpağıyam.

Bu torpaq üçün axıdılan qanam

Mən bütöv Azərbaycanam.

Baxıram kiçik qardaşıma həsrətlə.

Yaşayır o,sevinclə kədərlə

Unudubdur deyəsən məni

İnsanları da xoşbəxt sanki yox

dərdləri.

Axı unudarmı qardaş-qardaşı ?

Hanı bozqurdum? hanı Cin sarayını

basıb Kürşadım ?

Bax şimal qardaşım, kiçik qardaşım

Mən tək qalmışam.

Ərdəbilim qan içindədir.

Marağam qəfəsdədir.

Urmiyam qurudulur.

Azərbaycanım Son nəfəsdədir.

2010.