mən övladı ölən ananın göz yaşıyam

mən o qadının qucaqladığı baş daşıyam.
mən atılmış körpənin atasıyam.
mən qadını fahişəyə çevirən otaqların yatağıyam.
mən fikirəm,düşüncəyəm,xəyalam.
mən o kasıb insanın əlindəki qırışlaram.
mən məzaram,hər gün biri ölür içimdə.
mən şərabam,süzülürəm gözlərdən.
mən sərxoşam,intihar etmişəm fikirlərdən

        Sən

Sən- içkisən
Sən- musiqisən
Sən- gecəsən
Sən- payızsan
Sən-kədərsən
Sən –yuxusuzluqsan
Sən- tərləmiş balıncsan
Sən-təpiklənən yataqsan
Sən-yumruqlanan divarsan
Sən-açmaq istəmədiyim səhərsən
Sən- qızarmış gözsən
Sən-yorğunluqsan
Sən-intiharsan
Sən-torpaqsan