Göz açıb dünyaya gəldiyim gündən,

Tənha gecələr də ağlayıram mən.

Yenicə sağalan könül yaramı,

Duz basıb yenidən bağlayıram mən.

Ötübdü baharım, qışa çatmışam,

Sevinci qəlbimdən silib atmışam,

Təpədən dırnağa dərdə batmışam,

Dərd ilə sinəmi dağlayıram mən.

Bəxtimlə, qismətlə indi barışıb,

Pərvanə yerinə odda alışıb,

Bəzəndə sulara axıb, qarışıb,

Çoşqun çaylar kimi çağlayıram mən.

Ruslanam, qalmayıb canımda dözüm,

Dilimdə buz donub, gör neçə sözüm.

Sönübdü atəşim, qalmayıb közüm,

Külümü özümdə saxlayıram mən.