(Səfər Səfərliyə)

Həyat yolu, arzularla səs-səsə,
O,  fürsətdir, aman verməz heç kəsə,
Dünya malı bu dünyada gərəksə,
O dünyaya keçməsində nə fayda....

O, Anadır bala üçün həp yanar,
Gecə, gündüz həp başına fırlanar,
Vədə sonu sıralanan yuvalar,
Nişan qalar balaları uçanda....

O, çevrədir, hım hərfdir, həm rəqəm,
Tüm mövcudat məlum olar "O" desəm,
Cavab budur, gərək yoxdur, düşünəm,
Çün, tərifi çox açıqdır hesabda....

O, tüfəngdir, boşu minin qorxudar,
O, gecədir, səhər  gələsə yox olar,
O, ağıldır, insanlığı ucaldar,
Burda deyim, rəhmət düşür ustada....

Ustac üçün ən asan bu sualdı,
Tək Yaradan tüm suala cavabdı
Ən yaxşı dost həmsöhbətin olandı,
Söz, söz olar deyildiyi məqamda....

15.08.2014 / Bakı