Sanki bir şəms idi, bir anda  çıxdı, 
Ömrümə gec gəldi,könlümü yıxdı. 
Bir şəkil göndərdi, o elə baxdı- 
Məni mənliyimdən aldı apardı..

Mələyə tay idi, başqa söz olmaz,
Ürək həzm edəmməz, ürək unutmaz. 
Naz ilə yazmışdı,yazısı solmaz, 
Məni mənliyimdən aldı apardı.

İstədim danışım, titrədi dilim,
Həsrətə tuş gəldi ötən gün- ilim. 
Söz dilə gəlmədi,yazdı ki əlim-
Məni mənliyimdən aldı apardı.

İnsafı yox imiş,gedəndə bildim, 
Həsrətdə danışdım, xəyalda dindim. 
Bax ki bu biganə kor məhəbbətim 
Məni mənliyimdən aldı apardı.