Saçına vermisən bəzək düzəyi, 
Özümdən almısan qəlbi, ürəyi, 
Elə istəyirəm səni görməyi, 
Mənim görüşümə gəlsəydin əgər, 
Necə bəzənərdin bir bəzən görüm.. 

Əlimdə gül-çiçək gözlərim yolda, 
Gözlərəm gəlişin mən intizarda, 
Düşünüb ,daşınıb bü gün xəyalda, 
Mənim görüşümə gəlsəydin əgər, 
Necə bəzənərdin bir bəzən görüm.. 

Hiss etdir, vəsf eylə özünü mənə, 
Sualım yönəldi ümüdlə sənə, 
Qadasın aldığım gəl göstərsənə, 
Mənim görüşümə gəlsəydin əgər, 
Necə bəzənərdin bir bəzən görüm.. 

Röyamı,xəyalı gerçəkdən bəxş et,
Tək bir istəyimi düşünməmiş et, 
Vüsal şərbətini mənimlə nuş et,
Mənim görüşümə gəlsəydin əgər, 
Necə bəzənərdin bir bəzən görüm..

Göz-gözə , əl-ələ duracaq kimi,
Sevgiylə boynumu saracaq kimi,
Qəlbini yenidən verəcək kimi,
Mənim görüşümə gəlsəydin əgər,
Necə bəzənərdin bir bəzən görüm.

MÜƏLLİF: SEYMUR SÖNMƏZ