Arxamızda əcəl--qovur,
Mənim haqqım yox ölməyə.
Önümüzdə səngər--qəbir,
Mənim haqqım yox ölməyə.

Korşalıbdı söz qılıncım,
Düşa dönüb ağrım-acım.
Dərd əlindən hara qaçım__
Mənim haqqım yox ölməyə.

Bu dünyadan köçənlərik,
Dost-düşməni seçənlərik.
Yolunda and içənlərik,
Mənim haqqım yox ölməyə.

Düşməndən öc almayınca,
Torpaq azad olmayınca,
Biz qələbə çalmayınca
Mənim haqqım yox ölməyə.
Mövlud,haqqım yox ölməyə...

8.12.2014 / Zərdabi

Mövlud Ağamməd