NÜMUNƏ 1

1, 2, 4, 7, ?

Bu, ən sadə saylı məntiq sual növlərindən hesab edilir. Testi həll etmək üçün əvvəl ədədlərin hansı ardıcıllıqla düzüldüyünü aşkar etmək gərəkdir. Gördüyünüz kimi, əvvəl +1, sonra +2 və daha sonra +3 olmaqla ədədlər artan sıra ilə düzülüb. Buna görə, ardıcıllığın növbəti mərtəbəsində +4 əlavə etmək lazımdır, Yəni,

1, 1+1=2, 2+2=4, 4+3=7, 7+4=11

CAVAB:11

NÜMUNƏ 2

1, 5, 3, 7, 5, 9, 7, 11, ?

Bu ardıcıllıq da bayaqkına oxşardır. Lakin bir fərq var: ardıcıllıqda ədədlər həm artan, həm azalan sıra ilə düzülüb. Buna görə, sıranı iki həmlədə nəzərdən keçirmək lazımdır. Əvvəlcə ədədlərin hansı ardıcıllıqla artdığını, sonra isə hansı ardıcıllıqla azaldığını müəyyən etmək lazımdır. Göründüyü kimi, ədədlər +4 ardıcıllığı ilə artır. Azalma ardıcıllığı isə -2`dir. Yəni,

1, 1+4=5, 5-2=3, 3+4=7, 7-2=5, 5+4=9, 9-2=7, 7+4=11, 11-2=9

CAVAB:9