Bircə əsən meh olaydım,
Toxunaydım, yanağına.
Ya da, Kürün suyu olub,
Üz  qoyaydım, ayağına.

Deyirəm ki, nə xoşbəxtdir,
Sizin evin daş-divarı,
Səhər, axşam seyr eləyir,
Sənin kimi  xoş gülzarı.

Hətta Günəşin özü də
Xoşbəxt saya bilər özün....
Necə olsa gündə  bir yol
Görür əsl Nurun özün.

Buludların ağlamağı
Boşa deyil, səbəbi var.
Təmas etmir, gül  hüsnünə
Axı, sənin çətirin var....

06.12.2009 / Bakı