hər zaman kefliyəm mən,

şərablar olmasa da.

hər zaman sevəcəm mən,

qadınlar olmasa da.

özüm-özümün xəstəsiyəm,

kimsəyə yoluxmuram.

mənə yaxınlaşmaq istəyən yaxınlardan,

uzaqlaşıram,

onları uzaqlarla qorxuduram.

qorxaqlar qaçır məndən,

qorxmayanlar oturub içir mənlə.

söhbətləşib,dərdləşirəm,

xəstələnirəm.

həkimlər qoyur səhv diaqnoz,

həqiqəti mən bilirəm,

baş verir metamarfoz.

insan cildindən yalquzağa çevrilirəm,

didişdirib yaxınları,

parçalanmış uzağa çevrilirəm.