Millət oldu pərən-pərən....

Dəniz olub çağladılar,
Şivən edib ağladılar,
Sinələri dağladılar.
Hanı igid,hanı ərən,
Millət oldu pərən-pərən.
****
Çıx dedilər ermənilər,
Torpağıma göz dikənlər.
Gətirdilər başa nələr--
Hanı igid,hanı ərən,
Millət oldu pərən-pərən.
****
Canım,gözüm, Qarabağım,,
Necə dözüm,Qarabağım,
Ruhun inlər,Qara baqım,
Hanı igid,hanı ərən,
Millət oldu pərən-pərən.
****
Ağlamayın ağı deyib,
Gözümüzün ağı gedib.
Əzək başın,yağı deyib,
Hanı igid,hanı ərən,
Millət oldu pərən-pərən.
****
Qarabağa səfər bizim,
İnamım çox,zəfər bizim,
Mövlud deyər,necə gəzim,
Hanı igid,hanı ərən,
Millət oldu pərən-pərən.