Min Məcnuni-divanə
Olsun sənin qurbanın.
Düşsün yolun səhrayə
Sən sərbanı karvanın.
**
Oldu əsir ol Leyli,
Aləm ondan gileyli.
Gözündəki yaş seli
Yığsam,suyu dəryanın.
**
Könlüm səni arzular,
Vəslin üçün həm sızlar.
Bəs neyləsin yalqızlar
Naləsinə hicranın?
**
Dünya sənə eyş-işrət?
Ya bəxtəbəxt,ya qismət.
Sən gözləmə qiyamət
Xaliq verər fərmanın.
**
Nazü-qəmzən gizləmə,
Bağrımı qan eyləmə.
Dərdin yada söyləmə
Mövluddadı dərmanın.

30.05.2014.Zərdabi.Mövlud Ağamməd.