NAKAM SEVGİ

Bir zaman sevirdik dəlilər kimi,
Artıq bu sevginin qalmadı dadı.
Zamansız qırıldı qəlbimin simi,
Bizlərə qovuşmaq qismət olmadı.

De niyə oynadın qəlbimlə mənim?
Mən səni sayırdım eşqin pərisi.
Tovlayıb qəlbini qızıl üzükle,
Səni məndən aldı özgə birisi.

O üzük nədir ki? Dəmir parçası
Qiyməti tutalım beş-on min manat.
Eybi yox, xoşbəxt ol, unutma amma,
Pul-para üstündə qurulmur həyat.

Eşitdim bəxtəvər, ana olmusan,
Gözümə gətirdin menim qəm suyu.
Qəlbimə çəkərək min yerdən dağı,
Körpəsin daşıdın doqquz ay boyu.

Sən indi xoşbəxtsən yoxdu dərd-sərin,
Sızlayır qəlbimin kamanı, tarı.
O da mənim kimi ağlağan olsa,
Oğluna adımı qoyarsan barı...

İlkin Abbas