Yazar.in | Zaur USTAC | Nə istəyim?!

Nə istəyim?!

Zaur USTAC tərəfindən "Şeir" bolməsinə 00:59 22 aprel 2015 tarixində əlavə olunmuşdur

Mən vurğunam, qələm qaşa,
Şux qamətin bir tamaşa,/
Yanağında xallar qoşa,
Daha səndən nə istəyim?!

Təkrarsızdır xətti-xalın,
Al rəngi var yanağının,
Qıvrım telin, qulac saçın,
Daha səndən nə istəyim?!

Ustac deyər sözün düzün,
Nə əksilməz, öyməz özün,
İlham pərim qara gözün,
Daha səndən nə istəyim?!

15.04.1991 / Ağdam, Yusifcanlı

... dəfə oxunub

Qiymət: 10/10(2 səs)
[qiymət ver ]

Şərh yaz

Hesaba giriş

Müəllif

Zaur USTAC

Haqqında

Zaur USTAC 8 yanvar, 1975-ci ildə Bakı şəhərində anadan olmuş, ilk təhsilini Ağdam rayonu-nun Yusifcanlı kənd orta məktəbi-ndə almış, ardıcıl olaraq Bakı Dövlət Universiteti-ndə, Bakı Ali Birləşmiş Komandanlıq Məktəbi-ndə, Beynəlxalq İxtiraçılıq və Biznes İnstitutu-nda vəŞamaxı Humanitar Kolleci-ndə təhsilini davam etdirmişdir. Birinci Qarabağ müharibəsi-nin iştirakçısı və halhazırda ehtiyatda olan zabitdir. Zaur Ustac 1988-ci ildən etibarən dövri mətbuatda çıxış edir. Zaur Ustac "Yazarlar" jurnalının təsisçisi və baş redaktorudur. Zaur Ustac "GÜNAYDIN“ ("AĞÇİÇƏYİM”), “İSTƏMƏZDİM ŞAİR OLUM HƏLƏ MƏN”, “GÜLZAR”, “ŞEHÇİÇƏYİM”, “MƏHDUD HƏYDTIN MƏCHUL DÜŞÜNCƏLƏRİ”, “MUM KİMİ YUMŞALANDA”, “BAYATILAR”, “BALÇİÇƏYİM”, “GÜLÜNÜN ŞEİRLƏRİ” “SEVİN Kİ, SEVİLƏSİZ...”, “QƏLBİMİN AÇIQCASI”, “USTADNAMƏ”, “NİŞANGAH”, "ÇƏHRAYI KİTAB" kimi şeirlər kitablarının, "USUBCAN ƏFSANƏSİ" adlı məqalələr toplusunun və Azərbaycan Respublikasının Milli Qəhrəmanı Gizir Mübariz İbrahimovun əziz xatirəsinə həsr olunmuş “ ORİYENTİR ULDUZU” kitabının müəllifidir.

Əlaqə

Tel.:
050-411-05-75
E-mail:
zauryazar@mail.ru
Sosial şəbəkə:
Facebook
Twitter

YouTube-da izlə

Facebook