Nə lazım?

Harada aş,orada baş olmadım,
Yaltaqlığı sevmirəm heç,nə lazım?
Həyatmda daş üstə daş qoymadım,
Ustalığı sevmirəm heç,nə lazım?
***
Həyat acı,yaşamaqsa şirindir.
Ömür qısa, arzularımız mindir.
Görən deyir:"Saçlarında nə dəndir?"
Qaralığı sevmirəm heç,nə lazım?
***
Bezdim,Mövlud,yalanından dünyanın,
Qəlbə yara vuranından dünyanın.
Yaralıyam yarasından dünyanın
Yaralığı sevmirəm heç,nə lazım?

21.05.2013.Zərdabi.(Mövlud Ağamməd)