Fəxr edib söz deməyə, bir də ki, ədaya nə var,
Aşaraq dağ - dərəni coşub gələn çaya nə var. 

Gərəkdir söz mülkündə arif olub söz qanasan,
Bir gərəksiz həşirin saldığı sədaya nə var. 

Haqqı sən görürsənsə həm də əməl etməlisən,
Əməlin yoxsa əgər uydurma xülyaya nə var. 

Yük olma heç bir kəsə, zəhmətinlə ömr elə sən,
Göz yumub yatmaq ilə görülmüş röyaya nə var. 

Mərd olan mərdlik edər, əl yetirər ər kişiyə,
Ümman da yaxşı bilir qeyrətdən gədaya nə var.