Kafir qızı heç vaxt mənə yar ola bilməz,

Yar olsa belə, qəlbimə dildar ola bilməz.

Fəth eylədi könlüm evini mavi gözləri,

Huşyar olan bir daha huşyar ola bilməz.

Kim sevsə yarın, əsla xəyanət edə bilməz,

Çıxsa bivəfa, sevgisi təkrar ola bilməz.

Pak eşq ilə insan ucalır ali məqama,

Sevgi elə güldür ki, solub xar ola bilməz.

Qurbanlığa can istəsə o sevgili canan,

Tarxani, bu ricaya heç inkar ola bilməz.