Bir ümid özünü yetirdi  mənə,

Gizlicə ruhuna köçəsim gəldi.

Xəyalım qoxunu gətirdi mənə,

Qoxlayıb ruhuma çəkəsim gəldi.

Səni zərrə - zərrə əkdim könlümə,

Sənsiz xəyalları bükdüm könlümə,

Dilimdən atəşi tökdüm könlümə,

Yanıb da kül olub sönəsim gəldi.

Dəli bulud kimi olmuşam tutqun,

Solğun çiçək kimi dünyadan yorğun,

Sığınıb eşqinə sakitcə susqun,

Gəlib də qəlbində öləsim gəldi.