Bu gün yağış yağır,

sənin ömrünə,

bu yağan yağış,

bəlkə səni qurtara,

əziyyətdən

pislikdən,

zülmdən.

Bu nur damlaları,

qəlbinin dərinliyinə bir iz sala,

səni yuxudan oyada.

Bu yağan yağış,

bəlkə də,

sənin son yağışındır.

Göz yaşı kimi damlalar,

üzünə düşdükcə,

düşünürsən.

Amma, ömür karvanı geridə qaldı,

getdi uşaqlıq,

puç oldu gənclik.

Sən isə yenə düşünərək,

gəncliyinə həsrətlə baxırsan.

Çünki bu yağan yağış,

sənin üçündür.

Bəlkə,

oyanmağın üçün,

bir işarədi.

Bəlkə də,

son damladır üzünə düşən yağış,

amma hələ də yuxudasan,

ömür karvanını geridə qoyaraq,

yaşayırsan,

faydasız, mənasız həyatla.

 

                                                                       29.04.2020

                                                                         Təbriz şəhəri