Əgər gedirsənsə bu izləri sən, 
Arxanda buraxma, özünlə apar 
Birgün peşman olub,dönmək istəsən, 
Məndən bir nişanə çətin ki,qalar.. 

Demişdim yadında ilk dəfə sənə, 
Sözümü xatırla günahkar sanma, 
Day secim etmisən,bu gündən belə , 
Adımı dilinə gətirib anma!

Eşitdim şikayət etmisən, o gün, 
Demisən mən onu cox istəmişdim, 
Bu idi istəyin,bu idi sevgin ,? 
Mən ki yaxşı düşün daşın demişdim.

İstədim zəng edəm,nömrəni yığıb, 
Düyməni basmağa əlim gəlmədi.
Yenə cəhd etdim  guya, karıxıb, 
Gördüm ki, yığdığım başqa nömrədi.

Bu nə ayrılıqdı,nə də dönüşdü, 
Varlığın qanımda, canımda qalıb, 
Yenə xatirələr yadıma düşdü, 
Yuxuya dalmışam fikrinə dalıb.

Bilmirəm bu necə bir  məhəbbətdi?
Kimə nə söyləyim,soruşan olsa?
Hmm-larla başladıq,nəysəylə bitdi, 
Özün axtararsan imkanın olsa.

İndi ürəyini qaytarıb geri,
Əziz əmanəti verib gedirəm.
Seymuram, qəlbimdə boşaldıb yeri,
Bağışla , qəlbini qırıb  gedirəm.

 Müəllif: SEYMUR SÖNMƏZ