Apar şirin sözünü,
Mənə baxan gözünü,
Xatirənin yüzünü,
Minini məndən apar.
Əllərinin ətrini,
Sevginin həsrətini,
Sənsizliyin dərdini,
Qəsdini məndən apar.
Apar ,sevdiyim, apar,
Bilməm günahım nədir?
Qəm- kədər məni tapar.
Apar gülən üzünü,
Apar yanlış -düzünü,
Apar, nə olar apar,
Sənə aid hər şeyi,
Sənlə yanan işığı,
Qəlbimin yaraşığı,
Ya qayıt gəl ömrümə,
Ya da get birdəfəlik
Özünü məndən apar.