Payızda başlayan ömrün payızı...

Bu qədər kədərli gəlməmişdi heç...

Payızda başlanan bu dünyamızı

Payız da beləcə görməmişdi heç...

O, xəzan gətirir şux təbiyyətə

Ömrümün xəzanı qorxutdu onu...

Xəzan nə tez gəldi bu məhəbbətə

Könül yaşamadı öz duyduğunu....

Payız da ağladı bu sevdamıza

Sıxdı buludları, yağış ağladı...

Xəzan gətirənlər bu sevdamıza

Mənim göz yaşıma zərrə baxmadı

Hər payız yağışlar bizçün yağacaq...

Silməkçün kədrəri bu sevgimizdən

Bir payız günündə günəş doğacaq

Alıb xoş xəbəri bu sevgimizdən....