Pəri

Tellərini səhər-səhər
Ayır,dara yana,Pəri. 
Gözlərinin aşiqiyəm
Qoyma qəlbim yana,Pəri.
***
Ürəyimdə söhbət qalıb,
Gözüm sənə həsrət qalıb.
Dodağımda ləzzət qalıb,
Qoyma onu dona,Pəri.
***
Gəl,qovuşsun taleyimiz,
Vüsal olsun gərəyimiz.
Qanad açsın diləyimiz,
Qoyma yerə qona,Pəri.
***
Mövlud deyir, ürək dolu,
Mürəkkəbdir ömür yolu.
Sevgi arzumun bir qolu,
Gəl onu da sına,Pəri.

5.10.1983.Zərdabi.(Mövlud Ağamməd)