Yaxın zamanlarda aşkar edilən bu "tikili" elm aləmində geniş müzakirələrə gətirib çıxardı. Bu tikilinin hansı böcək tərəfindən və nə üçün inşa edildiyini öyrənmək məqsədi ilə bir sıra səfərlər həyata keçirilib. Bu səfərlər, əsasən, Peru, eləcə də, Braziliyanın Amazon cəngəlliklərinə edilib. Cənubi Amerikanın bir çox ərazilərində rast gəlinən bu mini tikilinin, əslində, güvələr tərəfindən inşa edildiyi məlum olub. Belə ki, yumurta qoyan güvələr onun müdafiəsini ətrafına qoruyucu çəpər çəkməklə təmin edirlər. Yapışqan maddədən olan çəpər böcəklərin yumurtaya yaxın düşməsinə imkan vermirlər.