QAÇAQAÇ
(CIĞALI TƏCNİS)

Gülmə qonşu əhvalına,gülüncə,
Məsləhət ver,kömək elə gülüncə.
Aşıq deyər gülüncə,
Ağlayınca.gülüncə.
Dərdlərinə şərik ol,
Dərdlilərə gelencə.
Yerini bil,danış incə,gül incə,
Dava olar,düşər qovğa,qaçaqaç.(1)
***
Bax ağına,bax bozuna,qaraya,
Girəcəyin çadır ağ ya,qara ya?
Aşıq deyər qaraya,
Ağdı demə qaraya.
Bilmək olmaz əzəldən
Bəxtin ağ ya.qara ya.
Zimistandı ömrün,yağıb qar,aya!
Yığ köçünü,düş arana qaçaqaç.(2)
***
Çox inanma fitnəkarın alına,
Rəngi dönüb,bilmək olmur alı nə.
Aşıq deyər alına,
Sınıq könül alına.
Uyma namərd kəslərin
Fitnəsinə,alına.
İncimisən,Mövlud,könlün alına,
Şər-xətadan,bəlalardan qaç a qaç.

29.09.2014.Zərdabi.Mövlud Ağamməd.

1qaçaqaç--isim
2qaçaqaç--fel qaça-qaça mənasında.