***Şair Onur Bilge'dən çevirdim: Ən sevdiyim yazısıdır - "Qadın kimi qadın..."
Bir qadın nə qədər gözəl, mədəni, zərif, dürüst və xoş olursa olsun, tündxasiyyət, narahat və əsəbidirsə, son dərəcə, itələyicidir. Hansı kişi belə bir qadınla olmaq istəyər? Yanında lüzumsuz əl-qol hərəkətləri ilə, əsəbi mimikalarla, dişlərini sıxaraq danışan, hər an partlamağa hazır bir bomba ilə nə qədər dinc və xoşbəxt ola bilərsiniz?
Qəşəng geyinmək də əhəmiyyətlidir, amma zəriflik daha əhəmiyyətlidir. İnsan yaradılış etibarilə kobud ola bilər. Elə ölçülü, elə toplu yeriyən xanımlar var ki, onların gedişlərini belə seyr etmək ruha dinclik verir. Hələ onlarla gəzintiyə çıxmaq nə qədər xoşbəxt edər insanı. Yerə basışlarındakı yumşaqlıq, addımlarındakı yavaş-yavaş, dinc temp ruhu rahatlaşdırar.
Zəriflik, qadını şeirləşdirər!
Nə qadınlar vardır örpəkli belə olsalar, süzülür kimi, rəqs edər kimi gedərlər. Bir stəkan su verərkən stəkanı deyil, dünyaları uzadarlar insana. "Xidmət" əhəmiyyətli deyil, "təqdimat" əhəmiyyətlidir. Yumşaq, xoş bir hərəkətli, gözlərinin içi gülərək, hörmət və sevgi dolu bir baxışla uzadılan stəkanın içindəki hər nəysə xoşbəxtliyə çevrilər. Daha içmədən dinclik, xoşbəxtlik və həyat sevinci yayılar ruha. Təqdim edilən sudursa, su da həyatdırsa, bu su abu-həyatdır!
Günaydın! Eşqim! Canım! deməsələr belə, elə bir təbəssümlə gələrlər ki, yanınıza, hansı pis ruh halında olursunuz olun, o anda gülümsəyər, dinclik duyar, onunla bütünləşərsiniz. Bir dəstə çiçək kimidirlər. Cıvıl-cıvıl bir quş, aydın axan bir su, gün işığı kimidirlər. Uzaqdan eşidərsən istiliyini, ona doğru yaxınlaşdığınızın fərqinə belə çata bilməzsiniz. Maqnit kimi özlərinə çəkmişlər səni, dəmir tozları kimi yapışır qalarsınız.
Zaman dayanmışdır, məkan orasıdır, dünya o qədərdədir. Kütlənin dəyəri birə enmişdir, ikiyə çıxmasına da lüzum yoxdur. Şeir kimi yeriyərlər, şeir kimi dolanarlar ətrafınızda, şeir kimi danışar, ən gözəl melodiya kimi gülərlər. Ağlamaqları da heç bir qadının ağlamayacağı qədər gözəldir.
Film də onlardır, mahnı da, həyat da ... Toxunmağa qıya bilməz, baxmağa doymazsınız. Oxşasanız saatlara düşmən olarsınız! Bir neçə ömür daha istəyərsiniz, Yaradandan. Dünyanızı cənnətə dəyişməzsiniz. Rəqs edərcəsinə yaşamaqdır onunla gündəlik həyatı yaşamaq. Onların bütün məqsədləri kişilərini xoşbəxt etməkdir. Onları xoşbəxt edərək xoşbəxt olurlar.
Bir də xidmətçi ruhlu qadınlar vardır. Səhərlər oflaya-puflaya yataqdan qalxarlar, deyinə -söylənə təmizliyə başlayarlar. Başınıza çırpar kimi qurarlar süfrəni. Mükəlləf bir nahar süfrəsində belə çəkilməzlər. Yalnız qadınlarınmı romantizmdən xoşlandığını sanırsınız, ya da sevilməkdən? Kişilərin də romantizmə, sevgiyə, qayğıya ehtiyac duyduğunu düşünmürsünüzmü? Onlar sevdiklərinə inandıqları, doya-doya sevgi aldıqları zaman naharlarını etmiş olurlar. O mövzuda axşama qədər acacaqlarını, başqalarına ehtiyac duyaraq ovuc açacaqlarını, sevgi dilənəcəklərini sanmıram. Axşam da eyni istiliklə qarşılanıb, eyni dinclik mühitinə çəkildiklərində onlardan xoşbəxt kimsə olmaz. Qovsanız da yanınızdan ayrılmaz, nə qadın, nə kişi kimsəyə ehtiyac duymazlar. O sizindir, imzayla, qanunla deyil, bir kölə kimi, sevə- sevə. Artıq, hər kəs onu, sizdən qısqansın!
Səhabələrdən birinin xanımı çörəyini, suyunu günəşə qoyar, isti su, quru çörək yeyərmiş; əri işində elə yeyir deyə. Yoldaşını, kişisini özündən əvvəl düşünür zərif olan qadın. Onu ana kimi şəfqətlə sarar, bacı kimi qol-qanad gərər üstünə, qardaş kimi yanında, canında daşıyar, yoldaş kimi çiyin verir paylaşar, həyat yoldaşı olaraq da bütün ürəyi ilə hər şeydən çox sevər, hər kəsdən üstün tutar, sahib çıxar qardaşım! SAHİB ÇIXAR! Evdə nə dinclik verirsiniz ki, başqalarından qısqanırsınız?! Hər şey yaxşı gedirsə, onlar nə səbəbə özlərini çölə atırlar? Arılar bal dolu yuvalarını nə üçün tərk edir? Acı yox, şirin yox, evdə dayananın ağlı yox!
Qəlib kimi qovucu qadın olmayın, sinirdən tir-tir titrəyən, deyinən, qışqırıb-çağıran, davakar bir qadın olmayın. Əvvəlcə bir sakit olun. Huzur tapın, dinclik verin. Sonra zərif olun. Daha sonra romantik olun, ağıllı olun, ağıllı. Unutmayın ki, onların hər kəsdən əvvəl, SİZƏ EHTİYACLARI VAR!
Çevirdi: Aysel Abdullazadə
